Qazaqstandyq 14 jastaǵy tennısshi Barselonadaǵy týrnırde top jardy

ORAL. KAZINFORM – Qazaqstandyq tennısshi, 14 jastaǵy Márııam Nurjan Barselonada ótken bedeldi Open Banc Sabadell U-14 Champion týrnıriniń chempıony boldy. 

Márııam Nurjan fınalda jergilikti sportshyny 6:4, 6:4 esebimen jeńdi.

Jeńimpazǵa júldeni Barselona meri tapsyryp, qazaqstandyq tennısshiniń jeńiske degen jigerin atap kórsetti. 

Osy tabysy nátıjesinde Márııam taǵy 8 myqty tennısshimen birge bıylǵy sáýir aıynda Barselonada ATR 500 jarysymen bir mezgilde ótetin dodada Qazaqstan namysyn qorǵaıtyn bolady.

Márııam Nurjan 14 jasqa deıingiler arasynda Tennis Europe reıtıngisinde 109-orynda tur. Osy kezge deıin Tennis Europe aıasynda ótken týrnırlerde bir jekeleı jáne eki ret juptyq synda jeńimpaz boldy.

Qazaqstandyq tennısshi Barselonada Next Level Tennis Team akademııasynda jattyǵady.

Eske sala keteıik, budan buryn tennısten Doha týrnırinde Rybakına men Pýtıntseva óner kórsetetinin jazǵan edik.

Sondaı-aq ıÝlııa Pýtıntseva álemdik reıtıngide TOP-20-ǵa qaıta kirdi.