Qazaqstandyq 13 boksshy Azııa chempıonatyna jartylaı fınalyna shyqty
ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda qazaqstandyq 13 boksshy jartylaı fınalǵa joldama aldy.
Qurlyqtyq dodaǵa elimizdiń atynan 20 boksshy barǵan edi. Olardyń 10-y erler, 10-y áıelder quramasynda synǵa tústi.
Erler quramasynan Mahmýd Sabyrhan (55 keli), Orazbek Asylqulov (60 keli), Ertýǵan Zeınýllınov (65 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary) endi fınal joldamasyn sarapqa salady.
Erler quramasynan SanjarTashkenbaı (50 keli), Erasyl Jaqpekov (80 keli) jarys jolyn shırek fınalda aıaqtaýǵa májbúr boldy.
Al áıelder quramasynda Aıgerim Sáttibaeva (48 keli), Baqyt Seıdish (70 keli), Valentına Halzova (75 keli), Nadejda Rıabets (80 keli), Dına Islambekova (80 keliden joǵary) jartylaı fınalda sharshy alańǵa shyǵady.
Olardyń qatarynan Laýra Esenkeldi (65 keli), Jazıra Oraqbaeva (51 keli, Elına Bazarova (54 keli), Rımma Volosenko (60 keli) jarys jolynan shyǵyp qaldy.
