Qazaqstandy óz elim dep sanaımyn - DDSU basshysy
Elordada ótip jatqan alǵashqy medıtsınalyq-sanıtarııalyq kómek jónindegi halyqaralyq konferentsııada sóz alǵan Dúnıejúzlik densaýlyq saqtaý uıymynyń basshysy Tedros Gebreıesýs Qazaqstandy óz eli sanaıtynyn aıtty, dep habarlaıdy Kazinform.
«Qurmetti quda, qurmetti Prezıdent Qasym-Jomart Toqaev! Men úshin Qazaqstanǵa oralý zor mártebe. Qazaqstandy ózimniń elim dep sanaımyn», - dedi Tedros Gebreıesýs sóz basynda.
Keıin ol alǵashqy medıtsınalyq-sanıtarııalyq kómek baǵytyndaǵy ilkimdi isteri úshin Prezıdent pen Densaýlyq saqtaý mınıstri Ajar Ǵınııatqa alǵys bildirdi.
«Táýelsizdik alǵannan beri Qazaqstan alǵashqy medıtsınalyq-sanıtarııalyq kómekti durys damyta otyryp, halyqtyń ál-aýqatyn kóterdi», - dep toqtaldy Tedros Gebreıesýs.
Aıta keteıik, Dúnıejúzlik densaýlyq saqtaý uıymynyń basshysy Tedros Gebreıesýs - aqyn Júrsin Ermannyń qudasy.
Qosa ketsek, atalǵan konferentsııaǵa qatysyp jatqan Memleket basshysy Qasym-Jomart Toqaev alǵashqy medıtsınalyq kómek qyzmetin úılestiretin jahandyq koalıtsııa qurýdy usyndy.
