Qazaqstandan 260 myńnan astam kólik jalǵan tehnıkalyq tekserýden ótken

NUR-SULTAN. QazAqparat - Sybaılas jemqorlyqqa qarsy qyzmet Bas kólik prokýratýrasymen birlesip kólikterdi tehnıkalyq tekserýdiń jalǵan dıagnostıkalyq kartalaryn berýmen aınalysqan Uıymdasqan qylmystyq top (UQT) qyzmetiniń jolyn kesti, dep habarlaıdy QazAqparat.

Barlyq el aýmaǵynda jalǵan tulǵalarǵa tek «qaǵazda» ǵana bar 28 fırma resimdelgen.

Tirkelgen mekenjaılar boıynsha tehnıkalyq tekserý ortalyqtary bolmaǵan, tıisinshe, qoldanystaǵy zańnama talaptaryna sáıkes qajetti tehnıkalyq jabdyqtary, mamandary, jumys jasaıtyn oryndary bolmaǵan.

Qylmystyq topty Kólik komıtetiniń kóliktik baqylaý júrgizý jáne mundaı faktilerge jol bermeý mindetteri júktelgen laýazymdy tulǵalary basqarǵan.

2017 jyldan bastap búgingi kúnge deıin UQT músheleri is júzinde tehnıkalyq tekserýsiz 260 myńnan astam dıagnostıkalyq karta jasaǵan. Mundaı «qyzmet» bir avtokólik úshin 5 mınýttyq ýaqytty jáne 2 myń teńgeni qajet etken.

Tergeý barysynda bul qyzmetterge júgingen avtokólik ıelerine de quqyqtyq baǵa beriledi.

Antıkor qoldanystaǵy zańnamaǵa tıisti ózgerister engizý, sondaı-aq «formaldi tehnıkalyq tekserýler» júrgizý faktilerin joıýǵa qatysty barlyq sharalardy qabyldaıtyn bolady.