Qazaqstandaǵy jylý elektr stansylary generatsııalaýshy qýattarynyń 41 paıyzǵa jýyǵy 30 jyldan astam ýaqyt boıy jumys istýde
ASTANA. Maýsymnyń 30-y. QazAqparat /Ernur Aqanbaı/ - Qazaqstandaǵy jylý elektr stansalary generatsııalaýshy qýattarynyń 41 paıyzǵa jýyǵy 30 jyldan astam ýaqyt boıy jumys istep keledi. Bul týraly búgin Astanadaǵy brıfıngte Indýstrııa jáne jańa tehnologııalar vıtse-mınıstri Dúısenbaı Turǵanov málim etti.
Onyń sózine qaraǵanda, elimiz ekonomıkasynyń ósim qarqyny jáne elektr qýatyn tutyný kóleminiń jyl saıyn artyp kele jatqany preventıvti sharalardy qabyldaýdy qajet etedi. «Bul turǵydan alǵanda biz qýattardy birqatar baǵyttar boıynsha damytýdy kózdep otyrmyz. Atap aıtqanda, elektr stansylaryndaǵy qazirgi qural-jabdyqtardy qaıta jańǵyrtý, jańa qýattardy iske qosý, jańa elektr stansylardyń qurylysyn salý, balansqa elektr energııasynyń jańartylatyn kózderin qatystyrý kózdelýde», dedi ol.
D. Turǵanov keltirgen derekterge súıensek, aǵymdaǵy jylǵy qańtardyń 1-gi jaǵdaı boıynsha elimizdegi elektr stansylarynyń jalpy belgilengen qýaty 19,1 MVt. quraıdy.
