Qazaqstandaǵy jyldyń eń úzdik boksshylarynyń esimderi belgili boldy
ASTANA. QazAqparat - Qazaqstannyń boks federatsııasy 2014 jyly úzdik sportshylar men jattyqtyrýshylardy, sondaı-aq otandyq bokstyń damýyna úles qosqan birqatar azamattardy marapattady.
«Eresekter arasynda úzdik boksshy retinde Azııa oıyndarynyń chempıony, álem chempıony Danııar Eleýsinovtyń esimi ataldy, jastar arasynda Nankındegi jasóspirimderdiń jazǵy Olımpıada oıyndarynda Qazaqstan úshin birinshi altyndy utqan Abylaıhan Júsipov úzdik boksshy atandy», - delingen federatsııanyń habarlamasynda. Áıelder arasyndaǵy úzdik boksshy - Nazym Qyzaıbaı, ol bıylǵy jyly el tarıhynda birinshi ret Ońtústik Koreıadaǵy álem chempıonatynda altyndy enshiledi. Eresekter arasynda úzdik bapker bolyp ulttyq quramanyń jattyqtyrýshysy Myrzaǵalı Aıtjanov atansa, jastar arasynda - Ǵalymbek Kenjebaevtyń eńbegi elendi. Áıelder ulttyq quramasynyń aǵa jattyqtyrýshysy Vadım Prısıajnıýk áıelder arasyndaǵy úzdik tálimger, al úzdik referı bolyp Ońtústik Qazaqstan oblysynyń ókili Álisher Altaev tanyldy.
