Qazaqstandaǵy júk tasymalynyń úshten bir bóligi eki oblystyń úlesinde
ASTANA. QazAqparat - Bir jyl ishinde eldegi tasymal kólemi 7% artyp, júk aınalymy 9% ósken. Júk tasymalynyń úshten bir bóligi Qaraǵandy jáne Shyǵys Qazaqstan oblystaryna tıesili, dep habarlaıdy Ranking.kz">Ranking.kz saıty.
2018 jylǵy qańtar-shilde aılaryndaǵy júk tasymalynyń kólemi bir jyl ishinde 6,7 paıyzǵa kóterilip, 2,2 mlrd tonnaǵa jetken. 2017 jyly bul kórsetkish 3,6 paıyz deńgeıinde bolǵan.
Kóliktiń barlyq túrleriniń júk aınalymy ústimizdegi jyldyń qańtar-shilde aılarynda 333,6 mlrd tonna-shaqyrymdy qurady. Bul ótken jyldyń uqsas merzimimen salystyrǵanda 9,4 paıyzǵa joǵary. 2017 jyldyń sáıkes merziminde jyldyq ósim deńgeıi 7,6 paıyzdy quraǵan.
Ótken jylmen salystyrǵanda Qazaqstan Respýblıkasy óńirleriniń arasynda tasymal kólemi tek Pavlodar oblysynda qysqarǵan. Al Qaraǵandy oblysy kólemi jóninen kósh bastap tur. Óńirdegi tasymal kólemi 431,8 mln tonnany qurady. Bul byltyrǵy jyldyń uqsas merzimimen salystyrǵanda 7 paıyzǵa joǵary. Qazaqstan boıynsha úlesi sol qalpy, ózgerissiz - 19,5 paıyz.
Kelesi kezekte Shyǵys Qazaqstan oblysy tur. Bir jyl ishinde tasymal kólemi 9,4 paıyzǵa ósip, 324,5 mln tonnan quraǵan. Qazaqstan boınysha úlesi 14,3 paıyzdan 14,7 paıyzǵa kóterilgen.
Qostanaı oblysy boıynsha bir jyl ishindegi tasymal kólemi 3,2 paıyzǵa artyp, 161,8 mln tonnany qurady. QR úlesi 7,6 paıyzdan 7,3 paıyzǵa qysqardy.
