Qazaqstandaǵy jomart adamdar ózderin jarııa etkendi qalamaıdy
ASTANA. QazAqparat - Qazaqstanda jasaǵan qaıyrymdylyq sharalaryn jarııalaǵandy qalamaıtyn bıznesmender kóp. Bul týraly QR Eńbek jáne halyqty áleýmettik qorǵaý vıtse-mınıstri Nurjan Áltaev málim etti, dep habarlaıdy QazAqparat.
«Jalpy alǵanda, bizde qaıyrymdylyq aýqymy aıtarlyqtaı úlken deńgeıde, ıaǵnı osymen bıznesmender jáne basqa da kóptegen adamdar osymen belsendi aınalysady. Biraq jasaǵan qaıyrymdylyq sharalary týraly jurtshylyqqa jarııalaǵandy qalamaıtyn adamdar da kóptep kezdesedi. Sondyqtan bul baǵytta týra statıstıkany júrgizý qıyndaý», - dedi Nurjan Áltaev Májiliste tilshiler saýalyna jaýap berý kezinde.
Aıta keteıik, búgin Parlament Májilisinde «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zań jobasy tanystyryldy. Bul qujatta «Qaıyrymdylyq týraly» Zańyna týǵan jerdi qoldaý úshin qaıyrymdylyq jasaý tártibin retteıtin túzetýler engizý jolymen Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasyn iske asyrý eskerilgen.
