Qazaqstandaǵy joldardyń 86 paıyzǵa jýyǵy ótken ǵasyrdyń 60-80 jyldary salynǵan
ASTANA. 1 sáýir. QazAqparat - Kólik salasynyń basty problemasy jol tósemderiniń kóterý múmkindikterinen beleń alyp otyr.
Buǵan obektıvti sebepter de barshylyq. Óıtkeni, elimizdegi joldardyń basym bóligi, ıaǵnı 86 paıyzǵa jýyǵy ótken ǵasyrdyń 60-80 jyldary sol kezeńniń normatıvtik talaptarymen salynǵan. Búgin Parlament Májilisinde kólik ınfraqurylymyn damytý máselelerine arnalǵan Úkimet saǵatynda Ekonomıkalyq damý jáne óńirlik reforma komıtetiniń tóraǵasy Seıitsultan Áıimbetov osylaı málim etti.
Depýtattyń aıtýynsha, ótken ǵasyrda salynǵan joldarǵa ruqsat etilgen júkteme 6 tonnadan aspaýy tıis bolatyn. «Al búgingi tańda qozǵalys jyldamdyǵynyń azaıýy, jolaýshylardyń jolda bolýy, taýarlardy jetkizý ýaqytynyń ulǵaıýy, sonymen birge kóliktik paıdalaný shyǵystarynyń artýy, eń soraqysy, jol apatynyń kóbeıýi oryn alýda. Máselen, 2011 jylmen salystyrǵanda byltyr jol-kólik oqıǵalarynyń sany 18 paıyzǵa ósken. 14 myń jol-kólik oqıǵasy tirkelip, sonyń saldarynan 3 myńnan astam adam mert boldy», - deıdi S. Áıimbetov.
