Qazaqstandaǵy joldardyń 6 myń shaqyrymy aqyly bolady

NUR-SULTAN. QazAqparat - Aldaǵy eki jylda Qazaqstandaǵy joldardyń 6 myń shaqyrymy aqyly bolady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

«Joldardy aqyly etýge baǵyttalǵan joba 2 kezeńde engiziledi dep josparlanýda. Alǵashqy kezeńde, ıaǵnı 2020 jáne 2021 jyldardyń aralyǵynda avtomobıl joldarynyń 6 myńǵa jýyq shaqyrymy aqyly bolady», delingen habarlamada.

Bul – «Batys Eýropa – Batys Qytaı» halyqaralyq tranzıttik dáliziniń, Nur-Sultan – Qostanaı – RF shekarasy, Şýchınsk – Petropavl, Nur-Sultan – Pavlodar, Qalbataý – Pavlodar – RF shekarasy (Ombyǵa), Taskesken – Baqty, Qapshaǵaı – Taldyqorǵan, Atyraý – Oral, Atyraý – Dossor – Beıneý – Aqjigit - Ózbekstan Respýblıkasynyń shekarasy jáne Aqtaý – Beıneý joldarynyń ýchaskeleri.

2022 jáne 2023 jyldar aralyǵynda avtomobıl joldarynyń qalǵan 5 myń shaqyrymyn aqyly etýdiń ekinshi kezeńin júzege asyrý kózdelgen.