Qazaqstandaǵy jolaýshylar vagondary qalaı jańartylady
ASTANA. QazAqparat - Investıtsııalar jáne damý mınıstrliginiń ókilderi jolaýshylar tasymalyn sýbsıdııalaýdyń jańa mexanızmi arqasynda vagondar jańartylyp, qyzmet kórsetý sapasy kóteriledi, tipti jańa poıyzdardy iske qosýǵa múmkindik beredi deıdi.
Buryn sýbsıdııalaý týraly kelisimsharttar tórt-aq jylǵa rásimdeletin. Ol ýaqyttyń ishinde tasymaldaýshy kompanııalar óz shyǵyndaryn aqtaı almaı keldi. Endigi kezekte ondaı qujattar jıyrma jylǵa rásimdeledi, dep xabarlaıdy QazAqparat tilshisi.
Kólik komıtetiniń tóraǵasy Áset Asaýbaevtyń aıtýynsha, jaqynda barlyq áleýmettik mańyzy bar baǵyttar boıynsha jıyrma jyldyq kezeńge tasymaldaýshylardy anyqtaý boıynsha konkýrstyq protsedýralar ótkizildi. "Uzaq merzimdi kezeńge konkýrsty ótkizý ınvestıtsııalar tartý sharttarynyń biri bolyp tabylady. ıAǵnı, budan buryn sýbsıdııalaý sharty tórt jyldyq kezeńge jasalǵandyqtan tasymaldaýshylar salynǵan qarajattarynyń ornyn toltyra almaıtyn. Sondyqtan ınvestıtsııalardy tartýǵa múmkindik bolǵan joq", - deıdi komıtet tóraǵasy.
Konkýrs qorytyndysy boıynsha tasymaldaýshylar tıisti mindettemelerdi óz moıyndaryna aldy. Atap aıtqanda, vagondar parkiniń 30 paıyzy jańartylýy shart. Bul - shamamen 500 vagonnan. Osy salada 16 mlrd. teńge jeke ınvestıtsııalar tartylady degen jospar bar.
"2017 jyly sýbsıdııalaý esebinen qosymsha 24 vagon satyp alynatyn bolady. Mysaly, kelesi jyly alǵashqy alty aıda 44/44 "Qostanaı - Almaty" qatynasy boıynsha 14 jańa vagon, 75/46 "Qyzylorda - Kókshetaý" boıynsha - 13 vagon, sondaı-aq 621-622 "Qostanaı - Arqalyq" baǵytyna 6 vagon satyp alynady", - dep atap kórsetti Á.Asaýbaev. Sýbsıdııalaýdyń jańa júıesin engizýdiń arqasynda jolaýshylar tasymaly salasyndaǵy jeke kompanııalarlyń úlesi 11 paıyzdan 27 paıyzǵa deıin ósti.
Budan bólek, kelesi jyly Almaty-Shymkent, Astana-Oral, Almaty-Oral jáne Astana-Almaty-Altynkól (EKSPO sheńberinde), Astana-Atyraý (EKSPO sheńberinde), Astana-Manǵyshlaq (EKSPO sheńberinde), Astana-Shymkent (EKSPO sheńberinde) baǵdarlary boıynsha jańa poıyzdar jolǵa shyǵady.
Aıta ketken jón, aǵymdaǵy jylda temirjol kóligimen júretin xalyqtyń sany taǵy 1 mln. adamǵa ósip, 23,4 mln. jolaýshyny qurady. Byltyr atalǵan kórsetkish 22,5 mln. adam bolǵan. Búginde Qazaqstanda jolaýshylar vagondarynyń jalpy sany shamamen 2 myń birlikti quraıdy. Jyl saıyn tozyǵy jetken 100 vagon qoldanystan shyǵarylady.
