Qazaqstandaǵy jol apattarynyń 12% ólim-jitimmen aıaqtalǵan
ASTANA. QazAqparat – Bıylǵy qańtar-sáýir aılarynda elimizde 3,4 myń jol-kólik oqıǵasy tirkeldi — bul ótken jylmen salystyrǵanda 11,3%-ǵa az. Onyń ishinde 404 oqıǵada (nemese 12,1%) ólim-jitim bolǵan, dep habarlaıdy QazAqparat Energyprom.kz saıtyna silteme jasap.
2,9 myń jol-kólik oqıǵasy júrgizýshilerdiń, 81 oqıǵa – jaıaý júrginshilerdiń jáne jol qyzmetteri men merdigerlerdiń kinásinen 1 oqıǵa bolǵan.
Sondaı-aq, eldegi barlyq jol apaty arasynda 2,6 myń oqıǵa ashyq aýa raıynda, 177 jaǵdaı – bultty kúnderi, 128 jaǵdaı – qar jaýǵanda, 72 — jańbyr kezinde, 25 — tuman kezinde tirkelgen.
Óńirlik bóliniste jol apattary kóbinese Almatyda tirkelgen: jyl basynan beri – 957 jaǵdaı, (jylyna -0,3%). Antılıderler úshtigine Almaty (336 jaǵdaı, -49,5%) jáne Jambyl (305 jaǵdaı, -22,6%) oblystary da kirdi.
Eń az jol-kólik oqıǵasy Ulytaý oblysynda tirkelgen (jyl basynan beri 13 jaǵdaı). Odan keıin Soltústik Qazaqstan (64 jaǵdaı) jáne Qaraǵandy (82 jaǵdaı) oblystary tur.
Bıylǵy qańtar–sáýir aılarynda respýblıka boıynsha eki oblysta ǵana jol-kólik oqıǵasy sany artqan: Batys Qazaqstan (19,7%-ǵa, 85 jaǵdaıǵa deıin) jáne Pavlodar (1,6%-ǵa, 129 jaǵdaıǵa deıin) oblystary. Taǵy Qostanaı jáne Soltústik Qazaqstan oblystarynda – JKO sany ózgerissiz qalǵan.
Sondaı-aq, bıyl qańtar-sáýir aılarynda jol apatynan 4,8 myń adam zardap shekken – bul ótken jylmen salystyrǵanda 14,8%-ǵa az. Jaralanǵandar sany 15,6%-ǵa – 4,3 myń adamǵa deıin qysqarǵan, olardyń arasynda 2,4 myń er adam jáne 1,9 myń áıel bar. Jaraqat alǵandar arasynda kámeletke tolmaǵan 799 bala bolǵan (-16,6%). Taǵy 2,2 myń adam aýrýhanaǵa jatqyzyldy – bul ótken jylmen salystyrǵanda 10,4%-ǵa az.
Jyl basynan beri 522 adam qaza tapqan, bul ótken jylmen salystyrǵanda 7,3%-ǵa az, onyń ishinde 375 er adam men 147 áıel bar. Qaza tapqandar arasynda kámeletke tolmaǵan 52 bala boldy jáne bul sanatta bir jylda birden 23,8% ósim baıqalǵan.
