Qazaqstandaǵy joǵary oqý oryndary ózindik úlgidegi alǵashqy dıplomdardy 2021 jyly tabystaıdy
ASTANA. QazAqparat - Qazaqstandaǵy joǵary oqý oryndary jeke úlgidegi alǵashqy dıplomdardy 2021 jyly tabystaıdy. Bul týraly búgin Astanada Qazaqstan bilim salasy qyzmetkerleriniń Respýblıkalyq tamyz keńesinde QR Bilim jáne ǵylym mınıstri Erlan Saǵadıev málim etti.
«JOO-lar aldaǵy jyldan bastap oqýǵa túsip, 2021 jyly támamdaıtyn ózderiniń túlekterine jeke úlgidegi dıplomdardy beredi. Oqý oryndary arasynda básekelestik artyp kele jatqanyn baıqap otyrmyz», - dep toqtaldy mınıstr. Bul degenimiz, 2021 jyldan bastap Qazaqstanda joǵary bilim týraly memlekettik úlgidegi dıplomdardy berýden bas tartý kózdelip otyrǵanyn bildiredi. Osy rette bilim sapasy úshin joǵary oqý oryndarynyń jaýapkershiligi arta túsetindigi túsindirilýde.
Sonymen qatar E. Saǵadıev qazirgi kezde Premer-Mınıstrdiń orynbasary Darıǵa Nazarbaevanyń tapsyrmasymen kásibı standarttardy ázirleý men bekitý turǵysynda tıisti jumystar júrip jatqanyn jetkizdi.
