Qazaqstandaǵy jer bir turǵynǵa shaqqanda 17 gektardan tıedi - Jer resýrstaryn basqarý agenttiginiń tóraǵasy
ASTANA. 5 qarasha. QazAqparat - Qazaqstandaǵy jer bir turǵynǵa shaqqanda 17 gektardan tıedi. Búgin Májiliste ótip jatqan Úkimet saǵatynda Jer resýrstaryn basqarý agenttiginiń tóraǵasy Qadyrhan Otarov osylaı málim etti.
«Qazaqstan Eýrazııalyq qurylyqtyń 272 mln. gektarǵa teń aýmaǵyn alyp jatyr. Sondaı-aq, jer kólemi boıynsha eń iri 10 memlekettiń quramyna kiredi. Al, elimizdiń bir turǵynyna shaqqanda tıetin jer 17 gektarǵa teń bolsa, onyń ishinde árbir turǵyn 1,5 gektar egistik jerimen qamtamasyz etiletinin aıta ketý kerek. Bul álemdegi eń joǵary kórsetkishterdiń biri bolyp tabylady»,-dedi Q. Otarbaev.
Agenttik tóraǵasynyń aıtýynsha, elimizde jer qorynyń 7 jer sanaty bar. Osynyń ózi jerdiń el ekonomıkasynyń qaı salasynda da bolsa da úlken áleýetke ıe ekendigin bildiredi.
«Osy jerlerdiń tek 4 sanatynyń baǵalaý quny 4,5 trln. teńgeni quraıdy»,-dedi Q. Otarov.
