Qazaqstandaǵy jeńil kólikter sany 6 mln. 134 myńǵa jetti
«2016 jylǵy qańtar-shildede Qazaqstan Respýblıkasynda 394 myń 374 jeńil avtomobıl tirkelgen. Bul ótken jylǵy tıisti kezeńmen salystyrǵanda 9,1 paıyzǵa joǵary. Sonymen qatar, Qazaqstan Respýblıkasynda 2016 jylǵy 1 tamyzdaǵy jaǵdaı boıynsha jeńil avtomobılderdiń barlyq sany 6 mln. 134,0 myń birlikti qurady. Sonyń ishinde tirkeýden shyǵarylǵan 2276 myń birlik, tirkelgender 3858 myń birlik», - delingen baspasóz baıanynda.
Aıta keterligi, 2016 jyldyń qańtar-shilde aralyǵynda elimizde tirkelgen avtokólikter sany 394374-ti qurasa, onyń ishinde eń kóp úles Ońtústik Qazaqstan oblysyna tıesili bolyp otyr (53 myń 551 birlik). Odan keıingi oryndarda Almaty oblysy 52 397 birlik, al Almaty qalasynda 46 myń 616 kólik tirkelgen. Esepti kezeńde avtokólikter eń az Soltústik Qazaqstan - 9 myń 445, Atyraý 11 470 jáne Batys Qazaqstan 12 098 oblystaryna tıesili boldy.
