Qazaqstandaǵy jeńil avtokólikter sany 3 mln. 819,3 myńnan asty
ASTANA. QazAqparat - Ulttyq ekonomıka mınıstrligi Statıstıka komıtetiniń málimetterine qaraǵanda, 2014 jylǵy 1 qarashadaǵy jaǵdaı boıynsha Qazaqstandaǵy qoldanysta bar jeńil avtokóliktiń sany 3 mln. 819,3 myń birlikti qurady.
Sonymen qatar, 2014 jylǵy qańtar-qazanda elimizde 636 959 jeńil avtomobıl tirkelgen, bul ótken jylǵy tıisti kezeńmen alystyrǵanda 16,1 paıyzǵa joǵary.
Keltirilgen málimetterge qaraǵanda, 2014 jyldyń qańtar-qazan aralyǵynda respýblıka boıynsha tirkelgen jeńil avtokólikterdiń eń kóp úlesi Almaty oblysyna tıesili, bul - 85 myń 913 birlikti quraǵan. Odan keıingi oryndarda Ońtústik Qazaqstan oblysy - 80 myń 758 birlik jáne Almaty qalasy - 78 myń 803 birlikti qurap otyr.
Toqtala ketetin jaıt, 2014 jyldyń qańtar-qazan aralyǵynda tirkelgen avtokólikterdiń teń jartysynan astamy, naqtylap aıtqanda 340 myń 886-synyń shyǵý jyly 10 jyldan asqan bolyp tabylady.
