Qazaqstandaǵy jemqorlyq jaıly fılmdi Netflix pen Amazon-da kórsetý úshin kelissóz júrip jatyr

ASTANA. QazAqparat - Ulttyq kınony qoldaý memlekettik ortalyǵy quqyq qorǵaý organdaryndaǵy sybaılas jemqorlyq týraly ekshn-fılmdi jaryqqa shyǵarady. Prodıýserlerdiń aıtýynsha, «Jaza» kınokartınasy kınoteatrlarda ǵana emes, áleýmettik jeli arqyly da naryqty dúr silkindirmek. Fılmniń rejısseri – Darhan Tólegenov, dep habarlaıdy QazAqparat.

Prodıýser Maksım Akbarov basqaratyn Golden Man Media shyǵarmashylyq toby fılm óndirisimen aınalysyp jatyr.

«Buǵan deıin fılm jarnamasyna qatysty jumysty tek ózimiz atqaratynbyz. Qazir kınony damytý ortalyǵy tarpynan qoldaý bar, bul – biz úshin úlken kómek. Seılz agent (sales agent) retinde «Nıet» dep atalatyn qazaqstandyq kompanııany jumyldyrdyq. Ondaǵy mamandar amerıkandyq QED International kınodıstrıbıýtorymen seriktestik ornatyp, Bred Pıtt oınaǵan «Qahar» jáne ataqty «№9 aýdan» fılmderiniń satylymymen aınalysqan bolatyn. Endi QED International bizdiń fılmge qyzyǵýshylyq tanytyp otyr. Qazir barlyq múmkindikterdi paıdalana otyryp, Netflix, Amazon, HBO jáne Peacock syndy álemdegi negizgi strımıngtik platformalarmen kelissóz júrgizip jatyrmyz. Bizdiń fılm jaryqqa shyqqan soń eki taraptyń qaýqaryn kórsete alatyndaı naryqty dúr silkindirýi kerek», – deıdi Maksım Akbarov.

Kórermen kınokartınany úlken ekrannan bıyl kúzde tamashalaıdy.

Qazir saýndtrekterdi tanymal artıster jazyp jatyr, olardyń esimi fılmniń prokaty qarsańynda jarııalanady.