Qazaqstandaǵy jekemenshik kompanııalar jumysshylarǵa 1,7 mlrd. teńge qaryz
TANA. 30 qyrkúıek. QazAqparat /Arman Asqarov/ - Qazaqstandaǵy jekemenshik kompanııalar jumysshylarǵa 1,7 mlrd. teńge qaryz bolyp otyr.
Bul týraly búgin Astanada «Áleýmettik jańǵyrtý - jańa áleýmettik saıasat» taqyrybyndaǵy konferentsııa aıasynda suhbat bergen QR Eńbek jáne halyqty áleýmettik qorǵaý mınıstri Gúlshara Ábdiqalyqova málim etti.
Mınıstrdiń sózine qaraǵanda, búginde osy másele boıynsha jumys berýshilermen kelissózder júrgizilýde. «Bizdiń negizgi mindetimiz - jumysshylardyń jalaqy qaryzyn qaıtarý. Sondaı-aq biz osy másele boıynsha belsendi túrde jumys istep, jumysshylardyń jalaqylaryn kóterý baǵytynda kelissózderdi jalǵastyratyn bolamyz», - deıdi G.Ábdiqalyqova.
