Qazaqstandaǵy janarmaı tapshylyǵy qoldan jasalǵan - «QazMunaıGaz Ónimderi» JShS
Buryn habarlanǵandaı, aǵymdaǵy jyldyń maýsymynda QMGÓ RF-den munaı ónimderin jetkizý boıynsha biryńǵaı operator bolyp anyqtaldy. RF men QR munaı men munaı ónimderiniń 2014 jylǵa bekitilgen teńgerimi aıasynda munaı ónimderin serpindi jetkizýdi qamtamasyz etý maqsatynda 2014 jyldyń maýsymynda Qazaqstan Respýblıkasyna Reseı Federatsııasynan munaı ónimderiniń ımportyna shekteý engizildi.
2014 jyldyń qańtar-mamyrynda RF-den QR-ge avtobenzın ımportynyń serpini munaı ónimderiniń bajsyz jetkizý kóleminiń kelisilgen ındıkatıvtik teńgeriminen asyp ketý qaýpin ótkerdi.
RF-den QR-ge ımportty naqty shekteý 2014 jyldyń maýsymynda engizildi, 2014 jyldyń 29 shildesinde shekteý alynyp tastaldy. 2014 jyldyń maýsym-shildesinde RF-den QR-ge ákelingen benzınniń naqty kólemi 43,2 myń tonnany qurady.
«QR bólshek saýda naryǵyndaǵy benzın tapshylyǵynyń múmkin sebepteriniń biri QR naryǵynda shekti bólshek saýda arqyly ótkizý baǵasynyń kóterilýin kútip, naryq qatysýshylarynyń ózderi JJM-di ótkizýdi ustap turýy múmkin. Aldaǵy ýaqytta baǵanyń kóteriletini týraly aqparat árdaıym ár túrli BAQ-tarda jarııalanýda», delingen habarlamada.
Almaty, Oral, Qostanaı qalalaryndaǵy munaı bazalarynda AI-92 markaly benzınniń aǵymdyq qory 2014 jyldyń 15 tamyzyndaǵy jaǵdaı boıynsha («Munaı jáne gaz aqparattyq-taldaý ortalyǵy» AQ derekteri boıynsha): Almaty qalasy jáne Almaty oblysynda - 20 050 tonnany, BQO-da - 2 427 tonnany, Qostanaı oblysynda 8 946 tonnany qurady.
«QazMunaıGaz Ónimderi» JShS habarlaǵandaı, AI-92 markaly benzınniń joǵaryda kórsetilgen qory atalǵan óńirlerdiń tutynýshylyǵyn 7-10 kúnge deıin qamtamasyz etý úshin jetkilikti. QR MÓZ-den AI-92 markaly benzınin táýliktik tıep-jóneltý 5,5-5,8 myń tonnany quraıdy, QR-da jappaı tapshylyqtyń týyndaýy úshin negizdeme joq.
«QR naryǵynda AI-92 markaly benzıniniń ótkizilýine jasandy kedergi jasaý jaǵdaılarynda AI-95 markaly benzınin tutynýdyń artýy baıqalady, bul AI-95 markaly benzıniniń shekteýli ishki óndirilýi jaǵdaıynda atalǵan otyn túrine belgili bir teńgerimsizdikti týyndatýy múmkin» dep atap ótti kompanııadan.
