Qazaqstandaǵy jańa taǵaıyndaýlar
Memleket basshysynyń Ókimimen Erjan Babaqumarov Qazaqstan Respýblıkasy Prezıdentiniń janyndaǵy «Ortalyq kommýnıkatsııalar qyzmeti» respýblıkalyq memlekettik mekemesiniń dırektory qyzmetine taǵaıyndaldy. Ol 1969 jyly dúnıege kelgen. Jańa qyzmetine deıin QR Premer-Mınıstri Keńsesi basshysynyń orynbasary bolǵan. Ár jyldary QR Prezıdenti Ákimshiligi aqparattyq-saraptamalyq ortalyǵynyń meńgerýshisi, Mádenıet jáne aqparat vıtse-mınıstri, osy vedomstvonyń jaýapty hatshysy qyzetterin atqarǵan.
Budan bólek, Elbasy Jarlyǵymen Beıbit Bákiruly Atamqulov Qazaqstan Respýblıkasynyń Malaızııadaǵy Tótenshe jáne Ókiletti Elshisi, Qazaqstan Respýblıkasynyń Brýneı-Darýssalamdaǵy, Fılıppın Respýblıkasyndaǵy Tótenshe jáne Ókiletti Elshisi mindetin qosa atqarýshy qyzmetterinen bosatylyp, Memleket basshysynyń Ókimimen Qazaqstan Respýblıkasy Indýstrııa jáne jańa tehnologııalar mınıstrliginiń jaýapty hatshysy qyzmetine taǵaıyndaldy. 1964 jyly Almaty oblysynda dúnıege kelgen B.Bákiruly Qazaq polıtehnıkalyq ınstıtýtyn bitirgen. Ekonomıka ǵylymynyń kandıdaty. Eńbek joly metallýrgııa salasynda bastap, keıinnen Syrtqy ekonomıkalyq baılanys mınıstrliginde jumys istegen. 2006 jyldan dıplomatııalyq qyzmette. Qazaqstannyń Reseıdegi, Irandaǵy elshiliginiń keńesshi-elshisi, elimizdiń Maındaǵy Frankfýrttegi bas konsýly bolǵan.
Osy aptada Raýshan Jańabergenqyzy Qajybaeva QR Premer-Mınıstri baspasóz qyzmetiniń basshysy, baspasóz hatshysy bolyp taǵaıyndaldy. Raýshan Qajybaeva 1978 jyly dúnıege keldi. Mamandyǵy boıynsha jýrnalıst, L.N.Gýmılev atyndaǵy Eýrazııalyq ýnıversıtetti támamdaǵan. «KTK» telearnasynyń Astanadaǵy tilshilik qosynynda jýrnalıst qyzmetin atqardy, «Qazaqstan» telearnasynda bas redaktor, aqparattyq-saraptamalyq baǵdarlamalar dırektsııasy basshysynyń orynbasary bolyp jumys istedi. QR Parlament Senaty tóraǵasynyń keńesshisi, QR Parlament Senaty baspasóz qyzmetiniń jetekshisi qyzmetterin atqardy. Eki medalmen, sonyń ishinde «Eren eńbegi úshin» medalimen marapattalǵan.
Sondaı-aq el óńirlerinde jastar isi jónindegi jańa basqarmalar ashylýda. Máselen, Qostanaı oblysynda ashylǵan osyndaı basqarmaǵa 28 jastaǵy Álııa Saparova bastyq bolyp taǵaıyndaldy. A.Baıtursynuly atyndaǵy Qostanaı memlekettik ýnıversıtetin bitirgen ol eńbek jolyn oblystyq «Alaý TV» telearnasynyń júrgizýshisi bolyp bastaǵan. 2006 jyldan beri ózi bilim joǵary oqý ornynda jumys istegen. 2010 jyldan beri Lısakov qalasy ákiminiń orynbasary bolǵan.
Atyraý oblysynyń ákimi Baqtyqoja Іzmuhambetovtyń ókimimen Meıirim Qalaýı jastar isi jónindegi oblystyq basqarmanyń bastyǵy bolyp taǵaıyndaldy. M. Qalaýı 1985 jyly dúnıege kelgen. 2006 jyly «Memlekettik jáne jergilikti basqarý» mamandyǵy boıynsha H. Dosmuhamedov atyndaǵy Atyraý memlekettik ýnıversıtetiniń ekonomıka fakýltetin támamdady. 2010 jyly RF Prezıdenti janyndaǵy memlekettik qyzmettiń Reseı akademııasyn bitirgennen keıin ekonomıka ǵalymdarynyń magıstri ataǵyn qorǵady. Eńbek jolyn «Atyraý-Aqparat» kommýnaldyq memlekettik kásipornynda bastady. «Turan» JShS-niń dırektory, "Qazaqstan" RTRK Atyraý oblystyq fılıaly dırektorynyń orynbasary - bas redaktor boldy. Sońǵy taǵaıyndaýǵa deıin «Atyraý-Aqparat» KMK tóraǵasy bolyp qyzmet etti. Sondaı-aq "Nur Otan" HDP "Jas Otan" jastar qanatynyń Atyraý oblystyq fılıalynyń atqarýshy hatshysy qyzmetin qoǵamdyq negizde atqardy.
Al Shyǵys Qazaqstan oblystyq jastar saıasaty basqarmasyna oblys ákimi Berdibek Saparbaev Jasulan Sársebaevty taǵaıyndady. Bul taǵaıyndaýǵa deıin J.Sársebaev oblystyq mádenıet basqarmasy bastyǵynyń orynbasary bolyp jumys istedi, sondaı-aq ShQO ishki saıasat basqarmasynda saıası partııalar jáne dinı uıymdar bóliminiń bastyǵy qyzmetin atqardy.
Sonymen qatar osy óńirde oblys ákimi óziniń jańa birinshi orynbasary - Ermek Kósherbaevty tanystyrdy. Osy qyzmetke taǵaıyndalmas buryn Ermek Kósherbaev ShQO ákiminiń orynbasary bolyp, ındýstrııalyq jáne ǵylymı baǵyttaǵy máselelerdi qadaǵalady. Ár jyldarda Ermek Bedelbaıuly Kósherbaev QR Premer-Mınıstriniń kómekshisi, «Nursultan Nazarbaev bilim berý qory» birlestigi dırektorynyń orynbasary boldy. Sonymen qatar ol «QazTransOıl» jáne «Munaı jáne gaz tasymaly» kompanııalary apparatynyń basshysy, «QazMunaıGaz» UK AQ birinshi vıtse-prezıdentiniń keńesshisi bolyp jumys istedi. Ol «Raýan Medı Grýpp» AQ-nyń bas dırektory, «Otan» respýblıkalyq saıası partııasy» qoǵamdyq birlestigi partııasynyń ortalyq apparatynyń basshysy boldy. 2009 jyly Semeı qalasynda «Ertis» ÁKK» UK basqarma tóraǵasy boldy. 2010 jyldyń shilde aıynan bastap Shyǵys Qazaqstan oblysy ákiminiń orynbasary bolyp taǵaıyndaldy.
Sonymen qatar Nurymbet Saqtaǵanov Shyǵys Qazaqstan ákiminiń orynbasary bolyp taǵaıyndaldy. Bul qyzmetke taǵaıyndalmas buryn Nurymbet Saqtaǵanov QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumysy bóliminiń memlekettik ınspektory bolyp jumys istedi. N. Saqtaǵanov buǵan deıin QR Parlamentindegi Úkimet ókildiginiń bas ınspektory, Ekonomıkalyq jáne bıýdjettik josparlaý mınıstrligi bóliminiń basshysy, Eńbek jáne áleýmettik qorǵaý mınıstrliginiń kóshi-qon komıteti tóraǵasynyń orynbasary laýazymdarynda boldy.