Qazaqstandaǵy jalǵan kásiporyndar memleketke 267 mlrd. teńge kóleminde shyǵyn keltirdi
ANA. 13 mamyr. QazAqparat /Rýslan Ǵabbasov/ - Qazaqstandaǵy 825 jalǵan kásiporyn memleketke 267 mlrd. teńge kóleminde shyǵyn keltirdi.
Bul týraly búgin Parlament Senatynda depýtattarmen kezdesý barysynda QR Qarjy mınıstrligi Salyq komıtetiniń tóraǵasy Dáýlet Erǵojın málim etti.
Komıtet basshysynyń sózine qaraǵanda, qazirgi tańda elimizdegi sottardyń sheshimimen 825 salyq tóleýshi jalǵan kásiporyndar retinde anyqtaldy. Olar óz qyzmetterinde 16 myń 528 kásiporynmen jumys istep úlgergen jáne 818 mlrd. teńgege shottyq-faktýralar jasasqan. Nátıjesinde, bulardyń jumysynan bıýdjetke túspeı qalǵan shyǵyndardyń eseptik somasy 267 mlrd. teńgeni qurady.
