Qazaqstandaǵy jalaqynyń eń úlken mólsheri kásibı, ǵylymı jáne tehnıkalyq qyzmet ıelerinde bolyp otyr
ASTANA. 11 qarasha. QazAqparat /Qanat Mámetqazyuly/ - QR Statıstıka agenttiginiń málimetteri boıynsha 2011 jylǵy qyrkúıektegi bir qyzmetkerdiń ortasha aılyq ataýly jalaqysy 91925 teńgeni qurady jáne ótken jylǵy tıisti aımen salystyrǵanda 16,6 paıyzǵa, naqty kóriniste 7,3 paıyzǵa ósti.
Agenttik málimetteri boıynsha, salalyq qurylymda jalaqynyń eń úlken mólsheri kásibı, ǵylymı jáne tehnıkalyq qyzmette - 181,5 myń teńge. Bul ortasha respýblıkalyq deńgeıden 2,0 esege asady. Al ken óndirý ónerkásibi jáne karerlerdi qazýda 175,7 myń teńge, (1,9 ese), qarjy jáne saqtandyrý qyzmetinde - 160,7 myń teńgege (1,7 ese) belgilengen. Eń tómengi jalaqy sýmen jabdyqtaý; káriz júıesi, qaldyqtardyń jınalýyn jáne taratylýyn baqylaý qyzmetkerlerinde bolyp otyr. Bul 54,6 myń teńgeni quraıdy jáne el boıynsha orta kórsetkishten 40,7 paıyzǵa tómen.
Óńirlik bóliniste eń joǵary jalaqy Mańǵystaý oblysynda belgilendi - 166,4 myń teńge, bul ortasha respýblıkalyq kórsetkishten 1,8 esege asady. Jambyl oblysynda munyń shamasy 65,4 myń teńgeni qurady, bul el boıynsha ortasha deńgeıden 28,9 paıyzǵa tómen.
