Qazaqstandaǵy zańnamany izgilendirý sottalýshylardyń sanyn 48 myńǵa deıin azaıtty
ASTANA. 24 qańtar. QazAqparat - Úsh jylda quqyqtyq tártiptiń baǵytynda oryn alǵan eleýli ózgerister el túrmelerindegi sottalýshylardyń sanyn tórtten bir kórsetkishke azaıtýǵa múmkindik berdi. Bul týraly QR Prezıdenti Ákimshiligi quqyq qorǵaý júıesi bóliminiń meńgerýshisi Alık Shpekbaev málim etti.
Onyń sózine qaraǵanda, Prezıdent tapsyrmalaryn oryndaý maqsatynda azamattardyń konstıtýtsııalyq quqyqtaryn qorǵaýdyń tetikteri men ınstıtýttarynyń spektrin keńeıtýge múmkindik beretin, sondaı-aq álemdik úzdik tájirıbeni eskere otyryp quqyqtyq tártipti qamtamasyz etetin 20-dan astam zań qabyldandy. «Úsh jylda quqyqtyq tártiptiń jańa ıdeologııasy men jańa modeliniń qalyptasýynyń bastalýy jóninde kórsetetin eleýli ózgerister oryn aldy», - dep atap ótti A. Shpekbaev. Osy oraıda ol zańnamany izgilendirý qylmystyq qýdalaý orbıtasyna tartylǵan adamdardyń sanyn qysqartýǵa, el túrmelerindegi sottalýshylardyń sanyn tórtten bir kórsetkishke azaıtýǵa, ıaǵnı 68 myńnan 48 myńǵa deıin tómendetýge múmkindik bergenin jetkizdi.
