Qazaqstandaǵy zańdy tulǵalar sany 354 myń 306 birlikti qurady
ASTANA. QazAqparat - 2015 jylǵy 1 shildedegi jaǵdaı boıynsha tirkelgen zańdy tulǵalardyń sany 354 myń 306 birlikti qurap, ótken jylǵy sáıkes kezeńmen salystyrǵanda 2 paıyzǵa artty. Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Zańdy tulǵalardyń ishinde 100 adamnan kem qyzmetkerleri bar kásiporyndar - 345 myń 261 birlik quraǵan. Al jumys istep turǵan zańdy tulǵalardyń sany 218 myń 30-dy qurady, onyń ishinde 209 myń 291 birlik shaǵyn kásiporyndar bolyp tabylady.
«Tutyný baǵasynyń ındeksi 2015 jylǵy maýsymda azyq-túlik taýarlarǵa baǵalar - 1,4 paıyz, azyq-túlik emes taýarlaryna - 0,7 paıyz, halyqqa arnalǵan aqyly qyzmetterge - 2,1 paıyzǵa ósti. Ónerkásip ónimderine óndirýshi kásiporyndar baǵasy 2015 jylǵy maýsymda 2014 jylǵy jeltoqsanmen salystyrǵanda 12,1 paıyzǵa tómendedi. Al áleýmettik sektor boıynsha 2015 jylǵy maýsymda a halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 63 myń 204 teńgeni qurady, bul 2014 jylǵy mamyrǵa qaraǵanda 2 paıyzǵa joǵary», - delingen baspasóz baıanynda.
Sonymen qatar, 2015 jylǵy maýsymda bir qyzmetkerdiń ortasha aılyq ataýly jalaqysy baǵalaý boıynsha 125 myń 35 teńgeni quraǵan. Al osy esepti kezeńde jumyssyzdar sany baǵalaý boıynsha 450,2 myń adamdy quraǵan.
«Sondaı-aq, jumyssyzdyq deńgeıi ekonomıkalyq belsendi halyq sanyna 4,9 paıyzdy qurasa, jumyspen qamtý organdarynda jumyssyzdar retinde tirkelgender sany maýsym aıynyń sońyna 59,9 myń adamdy nemese ekonomıkalyq belsendi halyq sanyna 0,7 paıyzǵa teń boldy», - delingen baspasóz baıanynda.
