Qazaqstandaǵy vaktsına quıý jelisi bıylǵy tamyz-qyrkúıek aılarynda iske qosylady
NUR-SULTAN. QazAqparat - Vaktsına quıý jelisi 2021 jyldyń tamyz-qyrkúıek aılarynda iske qosylady. Bul týraly Jambyl oblysynyń ákimi Berdibek Saparbaev aıtty, dep habarlaıdy QazAqparat Aqordaǵa silteme jasap.
Memleket basshysy epıdemıologııalyq ahýal jóninde ótken keńeste Jambyl oblysynyń ákiminen qazaqstandyq vaktsına shyǵaratyn zaýyttyń paıdalanýǵa berilý merzimi týraly surap, kásiporynǵa ózi baratynyn aıtty.
«Vaktsına quıý jelisi 2021 jyldyń tamyz-qyrkúıek aılarynda iske qosylady. Zaýyt osy kezden bastap vaktsına shyǵara bastaıdy, – dedi Berdibek Saparbaev.
Eske salsaq, Jambyl oblysynda vaktsına shyǵaratyn zaýyttyń qurylysy júrip jatyr.
Zaýyttyń qurylysy Memleket basshysy Qasym-Jomart Toqaevtyń tapsyrmasyna sáıkes júrgizilýde. Kásiporynda álemdik standarttar boıynsha ımmýnobıologııalyq preparattar, onyń ishinde koronavırýstyq ınfektsııaǵa, tumaýǵa, týberkýlezge, brýtsellezge, nodýlıarlyq dermatıtke jáne basqa da ınfektsııalyq aýrýlarǵa qarsy vaktsınalar shyǵarý josparlanýda. Jyldyq óndiris kólemi 30-60 mıllıon doza bıologııalyq ónimdi quraıdy.
