Qazaqstandaǵy úzdik JOO anyqtaldy

Ulttyq reıtıngti Bilim sapasyn qamtamasyzdandyrý boıynsha táýelsiz agenttik (IQAA-Ranking) júrgizgen. Agenttik ulttyq reıtıngke kórsetilgen aqparattyń mektep bitirgen talapkerler men olardyń ata-analaryna, jumys berýshiler men memlekettik organdar úshin tıimdi ekenin atap ótti.

«Bizdiń reıtıng joǵary oqý oryndaryna óz qyzmetterin jaqsartýǵa múmkindik beredi. Sebebi, biz zertteýdiń nátıjesin jarııalap qana qoımaımyz, ár ındıkator boıynsha ýnıversıtetterdiń qaı orynda turǵanyn kórsete alamyz. ıAǵnı, árbir ýnıversıtet óz jumysyn ózge oqý oryndarymen salystyryp, qaı baǵytta jumys isteý qajettigin uǵynady. Osylaısha, strategııalyq josparlaryna, derbes qyzmetterine ózgeris engizip, ulttyq reıtıng nátıjesin jaqsarta alady», - dedi Bilim sapasyn qamtamasyzdandyrý boıynsha táýelsiz agenttik prezıdenti Sholpan Qalanova jýrnalısterge bergen suhbatynda.

Onyń aıtýynsha, kelesi jyly ulttyq reıtıng quramyna jańa kórsetkishter qosylady.

«Qazir ýnıversıtetterdiń áleýmettik jaýapkershiligin kóterýge erekshe mán berilip otyr. Kelesi jyly ulttyq reıtıng ádistemesine kishigirim ózgeris engizip, ýnıversıtetterdiń áleýmettik jaýapkershiligin baǵalaıtyn ındıkatorlar qosamyz. Búginde jahandyq úsh reıtıng áleýmettik jaýapkershilik kórsetkishin qosyp úlgerdi. Jáne osy reıtıngterdiń nátıjesi boıynsha, áleýmettik jaýapkershilik ındıkatorynyń ýnıversıtetti jergilikti damytýǵa, stýdentter men tsıfrlyq tehnologııalardyń qoǵam damýyna yqpal etetini anyqtaldy», - dedi agenttik prezıdenti.

Aıta keteıik, Qazaqstandaǵy eń úzdik JOO-lardyń ulttyq reıtıngi 2008 jyldan beri ótkizilýde. Bıyl 11-shi ulttyq reıtıng ótti.

«Úzdik kópsalaly ýnıversıtetter» atalymy boıynsha ál-Farabı atyndaǵy Qazaq ulttyq ýnıversıteti, L.N. Gýmılev atyndaǵy Eýrazııa Ulttyq ýnıversıteti, Akademık E. Bóketov atyndaǵy Qaraǵandy memlekettik ýnıversıteti jáne M. Áýezov atyndaǵy Ońtústik Qazaqstan memlekettik ýnıversıteti kósh bastady. Odan bólek, S. Toraıǵyrov atyndaǵy Pavlodar memlekettik ýnıversıteti, S. Amanjolov atyndaǵy Shyǵys Qazaqstan memlekettik ýnıversıteti men M.H. Dýlatı atyndaǵy Taraz memlekettik ýnıversıteti ulttyq reıtıng sertıfıkattaryn aldy.

«Úzdik óner JOO» baǵyty boıynsha Qazaq ulttyq óner ýnıversıteti men Qazaq ulttyq Horegrafııa akademııasy úzdik dep tanyldy. «Úzdik tehnıkalyq ýnıversıtetter» atalymynda birinshi oryndy Satpayev University jeńip aldy.Ekinshi orynda - Qazaqstan-Brıtan tehnıkalyq ýnıversıteti, úshinshi orynda - Qaraǵandy memlekettik tehnıkalyq ýnıversıteti. Tórtinshi oryn Qazaq ulttyq agrarlyq ýnıversıtetine, besinshi oryn - Almaty energetıka jáne baılanys ýnıversıtetine berildi.

«Úzdik gýmanıtarlyq-ekonomıkalyq ýnıversıtetter» atalymynda birinshi oryn KIMEP ýnıversıteti, ekinshi oryndy - «Qaztutyný odaǵy» Qaraǵandy ekonomıkalyq ýnıversıteti, úshinshi oryndy - Almaty menedjment ýnıversıteti ıelendi.

«Úzdik medıtsınalyq JOO» baǵyty boıynsha, S. Asfendııarov atyndaǵy Qazaq ulttyq medıtsınalyq ýnıversıteti, Semeı medıtsınalyq ýnıversıteti ozyp shyqty. «Úzdik pedagogıkalyq joǵary oqý oryndary» baǵytynda birinshi oryndy Abaı atyndaǵy Qazaq ulttyq pedagogıkalyq ýnıversıteti, ekinshi oryndy - Qazaq ulttyq qyzdar pedagogıkalyq ýnıversıteti jáne úshinshi oryndy - M.H. Dýlatı atyndaǵy Taraz memlekettik pedagogıkalyq ýnıversıteti aldy.