Qazaqstandaǵy uıaly baılanys operatorynyń Bas dırektory ózgerdi
ALMATY. 18 shilde. QazAqparat /Erlik Erjanuly/ - «VympelKom Ltd.» kompanııalar toby Alekseı Blıýmındi Qazaqstan aımaǵynda «Beeline» saýda belgisimen uıaly baılanys qyzmetin usynýshy «KaR-Tel» JShS-niń Bas dırektory qyzmetine taǵaıyndady.
Kompanııanyń TMD elderinde bıznesti damytý jónindegi vıtse-prezıdenti Dmıtrıı Kromskııdiń aıtýynsha, A. Blıýmın 2008 jyly Vetnamdaǵy Gtel-Mobile kompanııasyn basqardy. Onyń basqarýymen az ýaqyt ishinde AT-ınfraqurylymy jelisi tartylyp, Beeline brendimen kommertsııalyq operatsııalar júrgizildi. Endi onyń kásibı jáne baı tájirbıesi Qazaqstandy jańa deńgeıge kóteredi degen senimi zor.
«KaR-Tel» kompanııasy TMD elderi ishindegi taza kiristiń jartysynan kóp bóligin berip otyr. Sondyqtan bul taǵaıyndaý kúrdeli shaqyrý dep qabyldaımyn. Qazaqstanda basty deńgeıdegi ósýdi - keń kólemdi ǵalamtor qyzmetin damytý, ıaǵnı fıksatsııalyq jáne mobıldi, FTTB jáne 3G qamtý aýmaǵyn keńeıtip, LTE jańa perspektıvasyn endirý dep bilemin», - deıdi Alekseı Blıýmın. Lomonosov atyndaǵy Máskeý memlekettik ýnıversıtetin bitirip, 1995 jyly alǵashqy qyzmetin telekommýnkatsııa salasynda bastaǵan ol 8 jyl boıyna «Golden Telekom» enshiles kásipornynyń Máskeý, Vladıvastok jáne Sankt-Peterbordaǵy bólimshelerinde basshylyq qyzmetter atqardy. 2003 jyly «Vympel Kom»-ǵa kelip, 5 jyl boıyna Reseıdiń Ońtústik aımaǵyndaǵy onyń jumysyn basqardy. Al 2008 jyldan osy ýaqytqa deıin «VympelKom»-nyń Vetnamdaǵy Gtel-Mobile enshiles kásipornyn basqarǵan.
