Qazaqstandaǵy úı sharýashylyqtarynyń 74 paıyzy óz turmystaryna qanaǵattanady - QR Statıstıka agenttigi

2013 jyldyń naýryz aıynda Qazaqstan Respýblıkasy Statıstıka agenttigi júrgizgen Qazaqstandaǵy halyqtyń turmys sapasyn birjolǵy zertteý qorytyndylary osyndaı.

Zertteýdiń maqsaty 12 myń úı sharýashylyǵy basshylarynyń óz úı sharýashylyqtaryn 5 shartty áleýmettik toptyń bireýine jatqyzýdy usyný arqyly sýbektıvti baǵalaýy bolyp tabyldy:

-az qamtylǵandar (tamaqqa, kıimge jáne aıaqkıimge qarajat jetispeıdi);

-kedeı emes, biraq orta topqa da jatpaıdy (tamaq ónimderin, kıim, aıaqkıim satyp alýǵa, turǵyn úı-kommýnaldyq qyzmetterine aqy tóleýge jetedi, biraq biz uzaq paıdalanylatyn taýarlardy satyp alýda qıyndyq kóremiz);

-orta top (tamaq, negizgi azyq-túlik emes taýarlar men qyzmetterdi satyp alýda qıyndyq kórmeıdi, biraq qosymsha turǵyn úı (páterler, úıler, saıajaılar), qymbat avtokólik jáne taǵy basqalardy satyp alýǵa qarajat jetkiliksiz);

- joǵarǵy orta top (sapaly tamaq ónimderin tutynamyz, qolaıly jaǵdaılarda turamyz, jumysymyz, tabys ákeletin jeke isimiz nemese jeke menshigimiz bar, biraq demalýǵa jáne bos ýaqytty ótkizýge ýaqyt jetkiliksiz);

- qamtamasyz etilgender (baılar) (qolaıly ómir súrýge resýrstar (bilim, densaýlyq, qarjy, menshik, ýaqyt) jetkilikti)

Úı sharýashylyqtary basshylarynyń sýbektıvti baǵalaýy boıynsha suralǵandardyń teń jartysyna jýyǵy nemese 52,2%-y ózderin kedeı emes, biraq orta topqa da jatpaıtyndarǵa, 41,9% - orta topqa, 4,2% - az qamtylǵandarǵa jáne tek 1,7% joǵary orta topqa jatqyzdy.

Zertteý qorytyndylary boıynsha úı sharýashylyqtarynyń 74,0% óz turmystaryna qanaǵattanǵan. Ekonomıka jaǵdaıyna qanaǵattaný deńgeıi boıynsha eldegi ekonomıkalyq jaǵdaıdy úı sharýashylyqtarynyń tek 46,0% oń baǵalaǵan, bul oraıda 32,9% qanaǵattanbaıtynyn jáne 21,1% jaýap berýge qınalatyndaryn bildirgen.