Qazaqstandaǵy utqyr tólem júıesi qyzmeti TMD aýmaǵynda tuńǵysh ret iske qosylyp otyr - Andreı Labych
ALMATY. 4 qazan. QazAqparat /Erlik Erjanuly/ - Barlyq GSM-baılanys operatatorlarynyń abonentteri men bankterdiń klıentteri úshin qoljetimdi utqyr tólem júıesi qazir TMD-nyń ózge eshbir elderinde joq.
"Intervale" JAQ-nyń Atqarýshy dırektory Andreı Labych búgin Almatyda ótken qazaqstandyq MyPay kz utqyr tólem júıesi týraly baspasóz máslıhatynda osylaı aıtty.
"Reseıde bul qyzmet jekelegen baılanys operatorlary, bankter men kompanııalardyń klıentteri úshin ǵana qoljetimdi bolyp otyr. Qazaqstandaǵy biryńǵaı utqyr tólem júıesiniń balamasy TMD-nyń ózge birde-bir elinde joq", - deıdi A. Labych. Onyń aıtýynsha, tutynýshylar endi tólem júıesiniń ınternettik jáne mobıldi túrlerin salystyryp, ózderine qolaılysyn tańdaı alady. Mobıldi telefonnan tólem júıesin qoldanýshylar úshin ınternet ne termınal izdeýdiń qajeti joq. Olar kez kelgen ýaqytta, kez kelgen jerde kommýnaldyq jáne taǵy basqa tólem qyzmetterin jasaı alady. Endi jyl sońyna qaraı ondaǵy qyzmetter qataryna memlekettik organdardyń tólemderi de qosylmaq.
