Qazaqstandaǵy ushaqtardyń ortasha jasy belgili boldy
ASTANA. QazAqparat - QR IDM Azamattyq avıatsııa komıteti Qazaqstandaǵy jolaýshylardy turaqty túrle tasymaldaıtyn ushaqtardyń ortasha jasy týraly aqparatty usyndy, dep habarlaıdy «QazAqparat» HAA tilshisi.
Qazaqstandaǵy negizgi áýe kompanııalardyń 56 áýe kemesiniń ortasha jasy 12,8 jyldy kórsetken. Atap aıtqanda, Air Astana áýe kompanııasynyń 31 ushaǵynyń ortasha jasy - 8 jyl. SKAT kompanııasynyń 13 ushaǵynyń ortasha jasy 17 jyl ekeni anyqtalsa, Bek Air sapyndaǵy 9 ushaqtyń jasy 20 jyl ekeni belgili bolyp otyr. Qazaq Air-diń 3 ushaǵynyń ortasha jasy - 3 jyl.
«Aıta keterligi, sheteldegi avıaqurylymnyń qazirgi tájirıbesinde ortaq resýrstyń shektelýinen tys «Jaǵdaıy boıynsha paıdalaný» joly qabyldanǵan. Qazirgi tańda quraýshylar tehnıkalyq qyzmet kórsetýdiń osy baǵdarlamasyn jón kórip otyr. Bul ushaqtyń qurylymdyq jaı-kúıi men agregatty ǵumyr boıy baqylaıdy. Olqylyqtar anyqtalǵan jaǵdaıda jóndeý jumystarynyń atalǵan túrleri qoldanylady», - delingen Komıtettiń resmı saıtynda.
