Qazaqstandaǵy ýly qaldyqtar kólemi adam basyna shaqqanda 1400 tonnadan keledi - Qorshaǵan ortany qorǵaý mınıstri
ALMATY. Aqpannyń 18-si. QazAqparat /Erlik Erjanuly/ - Qazaqstanda qazir qaldyqtardy zalalsyzdandyrý qoǵamdaǵy eń ózekti máseleniń biri bolyp otyr. Bul búgin Almatyda ótip jatqan "Aımaqtaǵy qaldyqtarmen jumys isteý máseleleri" dep atalatyn keńeıtilgen májiliste aıtyldy,
dep habarlaıdy QazAqparat.
"Qazaqstanda qazir 22 mıllıard tonna qaldyqtar jınaldy. Onyń ishinde 600 mıllıon tonnasy kómirtek. Bul ár adamǵa shaqqanda 1400 tonnadan keledi. Al ol Germanııada jan basyna shaqqanda 400 kıláni quraıdy", deıdi QR Qorshaǵan ortany qorǵaý mınıstri Nurǵalı Áshimov. Onyń aıtýynsha, aımaqtardaǵy qaldyqtardy basqarý problemalary týraly bul májilistiń kún tártibinde 4 másele qaralmaq. Birinshi - turmystyq qatty qaldyqtar polıgondarynyń qurylysy. Ekinshi - bitken polıgondardyń qaldyqtaryn qaıta óńdeý. Úshinshi - aımaqtaǵy qaldyqtardy zalalsyzdandyrý. Tórtinshi - qabyldanǵan sharalardy oryndaýdyń is-sharalar jospary. Nurǵalı Sádýaqasulynyń sózine qaraǵanda, májiliske qatysýshylar bul jıynnan keıin Almaty qalasyndaǵy qaldyqtardy óńdeıtin zaýyttyń jumysymen tanyspaq.
