Qazaqstandaǵy ulttyq standarttardyń 72 paıyzy halyqaralyq talaptarǵa saı keledi - Tehnıkalyq retteý jáne metrologııa komıteti
ASTANA. 10 maýsym. QazAqparat - Qazaqstandaǵy ulttyq standarttardyń jartysynan kóbi halyqaralyq talaptarǵa saı keledi. Bul týraly búgin Astanada ótken jıyn barysynda QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıteti tóraǵasynyń orynbasary Shynar Qazybaeva málim etti.
Onyń habarlaýynsha, búginde ulttyq standarttardyń sany 4 myńnan asty. Onyń 3 myńnan astamy, ıaǵnı 72 paıyzy halyqaralyq talaptarǵa saı keledi. «Negizi, búginde akkredıtatsııa salasynda Qazaqstannyń jetken jetistikteri az emes. Qazaqstandaǵy akkredıtatsııany júrgizetin mekeme TMD elderi ishinde birinshi bolyp, zerthanalardy akkredıtatsııalaý jónindegi Halyqaralyq uıymǵa (ILAC) múshe boldy. Qazirgi kezde baǵalaý salasyndaǵy akkredıtatsııa organdarynyń Búkilálemdik qaýymdastyǵyna qosylý boıynsha tıisti jumys atqarylyp jatyr», - deıdi Sh. Qazybaeva. Komıtet tóraǵasynyń orynbasary atap kórsetkendeı, búginde Údemeli ındýstrıaldyq-ınnovatsııalyq damý baǵdarlamasy boıynsha 2013 jylǵa memlekettik standarttaý jospary ázirlendi. Onyń aıasynda taǵy 500-den astam standart jasalady.
