17:22, 29 Mamyr 2023 | GMT +6
Qazaqstandaǵy Ýkraına Elshisi qashan taǵaıyndalady – SІM jaýaby
ASTANA. QazAqparat – Qazaqstan tarapy sheshim qabyldaǵannan keıin ǵana Ýkraına Elshisi taǵaıyndalady. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«Qazaqstan tarapy qashan sheshim qabyldaıdy, sol kezde Ýkraına Elshisi taǵaıyndalady», - dedi Aıbek Smadııarov vedomstvoda ótken aptalyq brıfıng barysynda BAQ ókilderiniń saýalyna oraı.
Sonymen qatar, ol Qazaqstan tarapy qashan sheshim qabyldaıtyndyǵy belgisiz ekendigin aıtty.
«Halyqaralyq tájirıbede jáne 1961 jylǵy 18 sáýirdegi Dıplomatııalyq qatynastar týraly Vena konventsııasyna sáıkes, taraptardyń bir-birine Elshi taǵaıyndaýy jabyq protsess sanalady. Sondyqtan qashan, kimniń taǵaıyndalatyndyǵy eshqashan aıtylmaıdy», - dedi resmı ókil.
