Qazaqstandaǵy úderister Konstıtýtsııa normalaryna sáıkes júzege asyp jatyr - baıqaýshy
«Saılaý - demokratııa jolyndaǵy mańyzdy qadam. Osy oraıda kandıdatqa daýys berip jatqan adamdar saılaýaldy baǵdarlamanyń oryndalýyn jiti nazarda ustaýy kerek. Sondyqtan saılaýdan keıin mańyzdy qadamdardyń oryndalýyna qoǵam belsendi aralasqany jón. Atap aıtqanda, Polsha Qazaqstanǵa strategııalyq seriktes retinde qarap otyr. 2023 jyly osynda Polshadan jańa ınvestıtsııalar tartylady degen oıdamyn», - dedi «Polıak halyq partııasynyń» múshesi ıAnýsh Pehochınskıı elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide.
Óz kezeginde Majarstandaǵy Syrtqy ister jáne saýda ınstıtýtynyń aǵa ǵylymı qyzmetkeri Vasha Laslo Qazaqstandaǵy daýys berý naýqany jaıynda jaqsy pikir qalyptasyp otyrǵanyn jetkizdi.
«Saılaý ýchaskelerindegi rásimder ashyq ótip jatyr jáne bul protsester halyqaralyq standarttarǵa saı ekenin aıtqym keledi. Kelip jatqan saılaýshylardyń kóńil-kúıi kóterińki, daýys berýdiń mańyzdylyǵyn jaqsy túsip otyr. Olar ózderiniń jarqyn bolashaǵyn ózderi anyqtaǵysy kelgendikten, daýys berýge kelip jatyr. Búgin durys sheshim qabyldanady dep oılaımyn. Óz tájirıbeme súıene otyryp, bul úderister Konstıtýtsııada belgilengen quqyqtyq normalarǵa sáıkes demokratııalyq jolmen júzege asyp jatqanyn aıtqym keledi», - dedi Majarstan ókili.
