Qazaqstandaǵy tynyshtyq pen turaqtylyq úshin el ıesi – qazaq halqy jaýapty

NUR-SULTAN. QazAqparat – Qazaqstandaǵy tynyshtyq pen turaqtylyq úshin, eń aldymen, el ıesi – qazaq halqy jaýapty. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Qazaqstandaǵy tynyshtyq pen turaqtylyq úshin, eń aldymen, el ıesi – qazaq halqy jaýapty. Osyny jete túsinetin kez keldi. Biz árdaıym keńpeıil bolyp, ózge etnos ókilderine qamqorlyq tanytýymyz kerek. Sonda ǵana berekeli birligimizdi saqtap, tatý-tátti ómir súremiz», - dep atap ótti QR Prezıdenti.

Sonymen qatar Memleket basshysy aldymyzda bolashaq ekonomıkasyn jedel salý mindeti turǵanyn basa aıtty.

Jańa tehnologııalar, jasandy ıntellekt, joǵary eńbek ónimdiligi, shyǵarmashylyq bastamalar onyń negizine aınalady. Bul jumysta sheshýshi sóz jastardyń enshisinde», - dedi Qasym-Jomart Toqaev.