Qazaqstandaǵy Túrkııa azamattary prezıdenttik jáne parlamenttik saılaýda daýys berýde

ASTANA. QazAqparat - Qazaqstan aýmaǵyndaǵy Túrkııa azamattary eki kún ishinde prezıdent saılaýyna jáne parlamenttiń 27-shaqyrylymy saılaýyna qatysa alady, dep habarlaıdy Anadoly.

Astanadaǵy túrkııalyqtar Túrkııa elshiliginde, al Almaty jáne Aqtaý qalalarynda bas konsýldyqtarda daýys berýde.

Túrkııanyń Joǵary saılaý komıssııasynyń málimetterinshe, Astanadaǵy Túrkııa elshiligine 641, Almatyda - 2578, Aqtaýda 348 saılaýshy tirkelgen.

Daýys berý 16-17 maýsym kúnderi jergilikti ýaqyt boıynsha 09:00-den 21:00-ge deıin ótedi.

Túrkııanyń Qazaqstan Respýblıkasyndaǵy elshisi Nevzat Ýıanyk jýrnalısterge bergen suhbatynda daýys berý protsesine daıyndyq aıaqtalǵanyn jetkizip, daýys berý protsesin uıymdastyrýǵa kórsetken qoldaýy úshin Qazaqstannyń tıisti qurylymdaryna alǵys bildirdi.