Qazaqstandaǵy týrızm kúnderi ótedi

ASTANA. QazAqparat - 24-25 qyrkúıek kúnderi QR Ulttyq kásipkerler palatasynyń uıymdastyrýymen Qazaqstandaǵy týrızm kúnderi ótpek. Bul týraly Ulttyq kásipkerler palatasynyń baspasóz qyzmeti habarlady.

Týrızm merekesiniń alǵashqy kúni «Kóshpeli týrızmniń ózekti máseleleri, ony sheshý joldary» taqyrybynda dóńgelek ústel ótedi.

Atap ótken jón, aldaǵy jyly týroperatorlyq kompanııalarǵa qoıylatyn talaptar kúsheıtilip, banktik kepildemeler jasalady. Sondaı-aq, 2015 jyly týrıstik ónimdi saqtandyrý tájirıbesin engizý de qarastyrylǵan.

Týrızm kúnderi aıasynda, 25 qyrkúıek kúni QR UKP jýrnalısterdi Astana qalasynan 30 shaqyrym qashyqtyqta ornalasqan «Balqaraǵaı» demalys ornynda uıymdastyrylatyn etno-shoýǵa shaqyrady. Onyń barysynda barysynda qazaqtyń ulttyq taǵamdary daıyndalyp, ulttyq oıyndar ótkiziledi.