Qazaqstandaǵy tóreshildik problemalaryn elimizdiń halqy sezinip otyr - ıÝ. Kýchınskaıa

ASTANA. 11 qarasha. QazAqparat - Qazaqstandaǵy tóreshildik problemalaryn elimizdiń halqy sezinip otyr. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda «Demokratııa ınstıtýty» ǵylymı-zertteý qaýymdastyǵynyń dırektory ıÝlııa Kýchınskaıa málim etti.

Esteńizge sala keteıik, Elbasy Nursultan Nazarbaev 11 qazanda Úkimettiń keńeıtilgen otyrysynda bıýdjettik qarjynyń sapasyz oryndalýyn synǵa alǵan bolatyn. Dırektordyń sózine qaraǵanda saýalnamaǵa qatysqan qazaqstandyqtardyń 94 paıyzy bıýdjettiń oryndalýyna Memleket basshysynyń synymen tolyq kelisedi. «ıAǵnı, tóreshildik problemasyn halyq barynsha sezinip otyr. Jáne olar elimizdiń budan ári qaraı údemeli damýyna atalǵan máselelerdiń saldary keri áser etetindigin túsinip otyr»,-dedi ıÝ. Kýchınskaıa áleýmettik saýalnama qorytyndysyn jarııalaý barysynda. Onyń aıtýynsha, bul saýalnamamen Qazaqstannyń barlyq óńirleri, sondaı-aq Astana men Almaty qalalary qamtylǵan. Qarashanyń 1-i men 7-si aralyǵynda ótken osy shara barysynda Elbasynyń Qazaqstan Úkimetine aıtqan synyn qazaqstandyqtardyń kópshiligi qoldap otyr. «Qazaqstan halqynyń 98 paıyzy Úkimettiń keńeıtilgen otyrysynda Prezıdenttiń kótergen máselelerin halyqtyń alańdaýshylyǵyn tolyq aıqyndady dep sanaıdy. Sonymen qatar, respondentterdiń 92 paıyzy Elbasynyń Úkimetke aýyl sharýashylyǵy salasyn damytý boıynsha tapsyrmasyn qoldaıtyndyqtaryn bildirgen»,-dedi ol. Munymen qosa, saýalnamaǵa qatysqandardyń 92 paıyzy Memleket basshysynyń barsha memlekettik baǵdarlamalardy qarastyrý turǵysyndaǵy eskertýlerin qoldap otyr. Sonymen qatar el azamattary Prezıdenttiń bólek baǵdarlamalar boıynsha qarjynyń tolyq ıgerilmeýine baılanysty syndy durys dep sanaıdy.