Qazaqstandaǵy temirjol kólikteri múmkindigi shekteýli jandardyń talaptaryna saı ma
ASTANA. QazAqparat - «Qazaqstan temir joly» Ulttyq kompanııasynyń ókilderi kompanııa men oǵan qarachty nysandardaǵy múmkindigi shekteýli jandar barlyq jaǵdaılar qarastyrylyp jatqandyǵyn aıtady. Bul týraly kompanııanyń baspasóz qyzmeti habarlady.
Baspasóz málimetterine qaraǵanda, jolaýshylarǵa jaıly jaǵdaı jasaý jónindegi is-sharalardy júzege asyrý úshin erekshe ról temirjol vokzaldaryna berilgen.
«Vokzaldarda múmkindigi shekteýli jolaýshylardyń jaılylyǵy úshin barlyq múmkindik jasalǵan. Astana-1 temirjol vokzaly ǵımaratynda esik jaqtaýy keńeıtilip, arnaıy sanıtarlyq jeli bar jáne atalǵan sanattaǵy tulǵalar úshin kútý zalynda arnaıy pıktogrammamen jazylǵan oryndar belgilengen. Pandýstar normatıvtik talaptarǵa sáıkes jabdyqtalǵan», dep atap kórsetti «QTJ» UK» - «Magıstraldyq jeliler dırektsııasy» AQ paıdalaný jónindegi atqarýshy dırektory Juban Kórpebaev.
2018 jyly múgedekterdiń arbalary jańartylyp, anyqtama bıýrosynda nashar estıtin turǵyndar toby úshin ındýktsııalyq panelder qoıyldy.
Sondaı-aq shynjyrly kóterme saty múgedektik arbamen saty arasynda asa kúsh jumsamaı qozǵalýǵa múmkindik beredi. Múgedektik arbamen vagonǵa erkin otyrýǵa múmkindik beretin perrondyq kóterme ornatý josparlanǵan. Astana - 1 temirjoly vokzalynda barlyq eskalatorlar aýystyrylýda. Jańa eskalatorlar jýyq arada paıdalanýǵa beriledi dep kútilýde.
