Qazaqstandaǵy temir jol salasynda qansha áıel eńbek etip júr
ASTANA. QazAqparat - «QTJ» Ulttyq kompanııasy» AQ baspasóz qyzmeti Qazaqstannyń temir jol salasynda qansha áıel jumys isteıtinin jarııa etti, dep habarlaıdy QazAqparat tilshisi.
«Temir jol salasynda qazirgi tańda 33 myń áıel jumys atqarady. Olar jolaýshylardy eń aldymen poıyzdar men bılet kassalarynda qarsy alady. Kassır nemese jolserik bolyp eńbek etedi. Tipti jolserikterdiń bir kezderi áıelderdi bosandyryp alǵan kezderi de bolǵan», - delingen habarlamada.
Sonymen qatar, kompanııadan habarlanǵandaı, erlermen qatarlas, názik jandar radıobaılanystyń elektromonteri jáne elektromehanık, monter nemese jol brıgadıri, temir jol stantsııalarynyń bastyǵy bolyp ta qyzmet etip júr.
«Bunyń bári de - joǵary dárejeli kúrdeli mamandyqtar. Temirjolshylardyń ishinde kópbalaly analar da barshylyq», - dep habarlady QTJ» Ulttyq kompanııasy» AQ baspasóz qyzmetinen.
