Qazaqstandaǵy Tele2 operatory óz abonentterin eki eseledi
ALMATY. 21 shilde. QazAqparat /Ádilet Musahaev/ - Eýropalyq uıaly baılanys operatory Tele2 óz jumysynyń ekinshi toqsanynyń qorytyndysyn shyǵardy.
Sońǵy úsh aıda Qazaqstandaǵy Tele2 operatorynyń abonentteri qataryna 355 000 adam qosylyp, 30-shy maýsymdaǵy jaǵdaı boıynsha 663 000 abonentke jetken, dep habarlaıdy kompanııanyń baspasóz qyzmeti.
2011 jyldyń ekinshi toqsanynan bastap Tele2 óz brendi boıynsha eldiń 6 aımaǵynda, onyń ishinde Aqtóbe, Batys Qazaqstan, Almaty jáne Aqmola oblystary men Almaty, Astana sııaqty iri qalalarda jumys isteı bastaǵan.
"Ótken jyly biz Tele2-niń paıda bolýy abonentter úshin jaǵymdy jańalyq ekenin aıtqan edik jáne óz sózimizde turdyq. Qazaqstan naryǵynda TMD boıynsha eń qymbat baǵa qoıylǵandyqtan tutynýshylar deńgeıi óte tómen, Tele2-niń tómen baǵasynyń jáne shynaıy tarıfti saıasaty, baılanystyń sapasynyń artyqshylyǵynan qarapaıym turǵyndardyń uıaly baılanysqa ketiretin shyǵyny 50 paıyzdan asa tómendedi", -deıdi «Qazaqstan Tele2» basqarmasynyń tóraǵasy Andreı Smelkov.
