Qazaqstandaǵy teatrlardyń bolashaǵy Úkimet otyrysynda talqylanady
ASTANA. QazAqparat - 11 aqpanda Serik Ahmetovtiń tóraǵalyǵymen ótetin Úkimet otyrysynda óńirlik teatrlardyń kókeıtesti máseleleri qarastyrylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
"Bul aptada QR Premer-Mınıstri S. Ahmetov Ádilet mınıstrliginde alqa májilisiniń jumysyna qatysady. 12 aqpanda Memlekettik qyzmet isteri agenttiginiń alqa otyrysy ótedi. Sonymen qatar 11 aqpanda Serik Ahmetovtiń tóraǵalyǵymen ótetin Úkimet otyrysynda óńirlik teatrlardyń kókeıtesti máseleleri qarastyrylady. Elimizdegi teatrlardyń búgini men erteńi jaıly QR Mádenıet jáne aqparat mınıstri Muhtar Qul-Muhammed, sondaı-aq oblys ákimderi men Almaty jáne Astana qalarynyń ákimderi baıandaıtyn bolady", - dep atap ótti ol.
