Qazaqstandaǵy Tájikstannyń mádenıet kúnderi aıasynda Astanada jármeńke-kórme ótedi

ASTANA. QazAqparat - 26-29 tamyz kúnderi Tájikstannyń mádenıet kúnderin atap ótý aıasynda Qazaqstanda EXPO halyqaralyq kórme kesheniniń alańynda aýqymdy jármeńke-kórme ótkizý josparlanyp otyr, dep habarlaıdy QazAqparat Astana ákimdiginiń resmı saıtyna silteme jasap.

Elorda qonaqtary men turǵyndaryna aýyl sharýashylyǵy ónimderi, kókónis ónimderi jáne dástúrli baqsha daqyldary, bal, táttiler, sýsyndar (shyryndar men alkogoldik sýsyndar), qolóner buıymdary, tabıǵı materıaldan jasalǵan kádesyılar, kıiz, toqyma, toqylǵan buıymdar, sándik buıymdar, pyshaqtar, álemge áıgili tájik atlasy jáne taǵy basqalar usynylady.

Jármeńkede qysh, temir ustasy, aǵash óńdeý, kórkem keskindeme, toqý jáne t.b. sııaqty halyq buıymdaryn jasaý barysy kórsetiledi.

Palaý, kýrýtob, ýgro sııaqty tájik ulttyq taǵamdarynyń tańǵajaıyp taǵamdarynan dám tatýǵa bolady.

Sondaı-aq jármeńke qonaqtaryna arnap Tájikstan Respýblıkasynyń óner sheberleriniń qatysýymen merekelik kontsert uıymdastyrylady.

Іs-sharanyń ashylýy 26 tamyz kúni saǵat 13:00-ge josparlanyp otyr.