Qazaqstandaǵy tasqyn qaýpi 7-10 kúnde turaqtalady
ASTANA. QazAqparat - Qazaqstandaǵy kóktemgi tasqyn qaýpi 7-10 kún ishinde turaqtalady. Bul týraly búgin QR ІІM TJK Tótenshe jaǵdaılardy joıý basqarmasynyń basshysy Alekseı Sovetov málim etti.
«Oblystardaǵy ahýal bir aıǵa jetpeı turaqtalady. 7-10 kún tóńireginde tasqyn sýlardyń deńgeıi edáýir azaıady jáne qalyptasqan qıyn jaǵdaı seıiledi», - dedi ol.
Onyń aıtýynsha, qazirgi ýaqytta sý tasqyny 5 oblysta ondaǵan aýyldardy, júzdegen úılerdi basty. Degenmen, adam shyǵyny joq.
«Turǵyn úılerdiń, jeke sharýashylyqtardyń sýdan kelgen zardaptaryn baǵalaý boıynsha arnaıy komıssııa quryldy. Búginde olar jalpy shyǵyndy esepteýde», - dedi ol.
A. Sovetovtyń sózine qaraǵanda, eń aýyr jaǵdaı Qaraǵandy oblysy men Aqmola oblysyndaǵy Nura ózeniniń mańyndaǵy aýyldarda jáne Pavlodar men Petropavl oblystarynyń shekarasyndaǵy Sileti ózeniniń boıyndaǵy úsh eldi mekende saqtalyp otyr. Ondaǵy turǵyndar evakýatsııalandy.
