Qazaqstandaǵy tarıhı-mádenı eskertkishter jaıynda 10 derekti fılm túsirildi
ASTANA. 23 mamyr. QazAqparat /Jasulan Amanbaıuly/ - Qazaqstandaǵy tarıhı-mádenı eskertkishter jaıynda 10 derekti fılm túsirildi. Olar jaqyn arada respýblıkalyq telearnalarda kórsetilimge shyqpaq.
Bul týraly búgin Astanada ótken ıÝNESKO men ISESKO isi boıynsha ulttyq komıssııanyń otyrysynda QR Mádenıet mınıstri Muhtar Qul-Muhammed málim etti.
«Qazaqfılmniń» tarıhynda tuńǵysh ret qazirgi Qazaqstandaǵy tarıhı-mádenı eskertkishterimizdiń jáı-kúıin kórsetetin derekti fılmderdiń serııasyn túsirý bastalyp ketti»,-dedi jıyn barysynda M. Qul-Muhammed.
Onyń aıtýynsha, búgingi tańda 10 tarıhı derekti fılm túsirilip bitti. Sonyń ishinde Túrkistan qalasyna, Júsip Ata kesenesine, Turbat jáne Babataı eskertkishterine, Vernyıdaǵy qalalyq ýchılışege, Jarkent meshitine, Tamǵalynyń petroglıfterine arnalǵan fılmder túsirilgen.
«Endi birer aıdan keıin, olardy respýblıkanyń barlyq telearnalaryna tegin taratyp beretin bolamyz. Kelesi jyldyń josparynda taǵy osyndaı 10 fılm túsirý qarastyrylǵan»,-dep atap kórsetti ol.
