Qazaqstandaǵy tanymal kompanııalar anyqtaldy
ASTANA. 1 naýryz. QazAqparat /Arman Asqarov/ - «Senim - 2011» konkýrsy aıasynda júrgizilgen qoǵamdyq saýalnama Qazaqstandaǵy tanymal kompanııalardy anyqtady.
Saýalnama nátıjesi kórsetkendeı, qazaqstandyqtardyń basym bóligi «Qazaqtelekom» kompanııasy jaıynda kóbirek biledi. Sóıtip, ol «Qazaqstandaǵy eń tanymal kompanııa» dep tabyldy. Ekinshi orynda - «Qazaqstan temir joly» ulttyq kompanııasy, al «Halyq banki» AQ úshinshi orynǵa ıe boldy. Osydan keıin saýalnamaǵa qatysqandarǵa «Sizdiń qaı kompanııada jumys istegińiz keledi?» degen saýal qoıyldy. Munda da respondetterdiń kóbisi «Qazaqtelekomdy» tańdady. Odan keıin «Qazaqstan temir joly» jáne «QazMunaıGaz» kompanııalary keledi.
