Qazaqstandaǵy tanymal gazetterdiń biri jabyldy
ASTANA. QazAqparat - Qazaqstanda «InformBıÝRO Megapolıs» gazetiniń sońǵy nómiri jaryq kórdi, dep habarlaıdy QazAqparat tilshisi informburo.kz bas redaktory Mıhaıl Dorofeevke silteme jasap.
Basylym 15 jyl boıy shyǵaryldy. 2015 jylǵa deıin «Megapolıs» dep ataldy. Redaktsııa elektrondy formatqa kóshken soń, informburo.kz aqparattyq-taldaý portalynyń paıda bolýyna baılanysty aty ózgerdi. Sońǵy eki jylda gazet 7 myń danamen taratyldy.
«Qazir búkil álemde baspasóz daǵdarysqa ushyrap otyr, óıtkeni oqyrmannyń kóńili Internetke aýǵan. 2015 jyldyń mamyrynan redaktsııa digital first prıntsıpimen jumys isteı bastady, ıaǵnı birinshi kezekte ınternet-basylym retinde jumys istedik. Al gazette saıtta jaryq kórgen materıaldar jarııalanyp otyrdy. Endi ol ózin aqtamaı qoıdy, sondyqtan da taralym azaıyp ketti», - deıdi Mıhaıl Dorofeev.
Baspager gazettiń daǵdarysqa ushyraýyna baspasóz dúńgirshikteriniń jabylýy da áser etkenin aıtady.
