Qazaqstandaǵy tanymal áıelder ózderiniń jaqyndarynan qandaı syılyq kútpek?
ASTANA. QazAqparat - Qazaqstandaǵy tanymal áıelder, qoǵam qaıratkerleri QazAqparat tilshisine ózderiniń týystary men jaqyndarynan qandaı syılyq kútetinin aıtyp berdi.
Elorda ákiminiń burynǵy orynbasary, Astana qalasy «Esil» aýdanynyń ákimi Sabıla Mustafına nemereleri tabystaıtyn syılyqtar erekshe ystyq ekenin sóz etti.
«Men negizi tasbaqalardy jaqsy kóremin. Kúıeýim 8 naýryzda árdaıym maǵan tasbaqa syıǵa tartýǵa tyrysady. Nemerelerim túrli taqyryptarda salǵan sýretterin syıǵa tartady. Ulym qazir shet elde bolǵandyqtan, sol kúni «Skaıp» jelisi arqyly quttyqtaıdy. Al áriptes er azamattar gúl syılaıdy», -dedi aýdan ákimi.
Al QR Parlament Májilisiniń tórtinshi jáne besinshi shaqyrylymynyń depýtaty Gúljan Qaraqusova árdaıym aınalańdaǵy qorshaǵan adamdardyń nazarynda bolǵan mańyzdy ekenin jetkizdi.
«Gúl syılaýdyń ózi úlken syılyq dep baǵalaımyn. Bastysy - ózińniń janyndaǵy adamdardyń nazarynda bolý eń úlken syılyq bolyp tabylady. Qazir maǵan gúl syılap, quttyqtaýlar aıtyp jatyr jáne osy izgi nıetterdi men óte joǵary balap turmyn. Eger de aıtylǵan tilekter shyn júrekten jetkizilse, budan basqa syılyq kerek emes»,-deıdi G. Qaraqusova.
Budan bólek, «Expo & Women» (halyqaralyq áıelder uıymy) prezıdıýmnyń tóraıymy, «Jasyl ekonomıka úshin jáne G-GLOBAL-dy damytý» koalıtsııasy basqarmasynyń tóraıymy Saltanat Rahymbekova da syılyq retinde gúlderdi qalaıtynyn atap ótti.
«Men gúlderdi óte jaqsy kóremin. Sebebi, syıǵa gúl alǵan kezde adamdardyń saǵan degen syılastyǵyn baıqaısyń. Osy oraıda maǵan tosyn syı jasaǵandy unatamyn. Gúlshoqtardyń úlken nemese kishkentaı bolýy mańyzdy emes, eń bastysy jaqyndaryńnyń nazarynda bolý. Sonymen qatar syılyqty tabystaǵan adamnyń kóz janaryna erekshe mán beremin. ıAǵnı, adamdardyń qandaı peıilmen saǵan gúl syılap jatqanyn kórý kerek. Árıne, óte úlken syılyq - ol jaqyndaryńnyń nazary, al syılyq ekinshi kezekte»,-dedi ol.
