Qazaqstandaǵy suıytylǵan gaz shetelge zańsyz satylǵan
Ol elden tysqary mekenderde kontrabandalyq jolmen otyn tasymaldaıtyndar bar ekenin jasyrmaıdy. Ásirese, kórshi Reseıde 1 tonna gaz úshin 2-3 ese artyq qarajat tóleıdi. Mamandar osyndaı birneshe istiń tergelip jatqanyn aıtty. Alaıda bul kógildir otyn tapshylyǵynyń negizgi sebebi emes. Tapshylyqtyń taǵy bir sebebi - júrgizýshiler kólikterin kógildir otynǵa aýystyryp, ónimge degen suranys eselep artqan. Sonyń saldarynan Soltústik Qazaqstan oblysynda suıytylǵan gaz azaıyp, lıtri 75 teńgeden satylǵan bolatyn. Qazir óńirge qosymsha 1300 tonna kógildir otyn jetkizilip, jaǵdaı turaqtaldy.
«Qazaqstannyń zaýyttary ishki naryqty tolyq qamtamasyz etýge barlyq kúsh qýattary jetedi. Qazirgi tamyz aıynda jańa ǵana aıtyp ótkendeı, Qazaqstan naryǵyndaǵy óndiriletin ónimniń 90%-y ishki naryqqa ketti. Іshki naryqtaǵy suranysyn durys baǵalaý kerek, durys esepteý kerek. Ekinshiden, durys baǵalaý arqyly kishkene aldaǵy 6-7 aıǵa durys jospar jasaý kerek,-deıdi, QR Energetıka mınıstrligi gaz ónerkásibin damytý departamentiniń dırektory Zııash Qııaqbaev.
