Qazaqstandaǵy sporttyq nysandar óz shyǵyndaryn óteıtin deńgeıde bolýy tıis - D. Nazarbaeva (FOTO)
ASTANA. QazAqparat - Elimizdegi iri sporttyq nysandar óz shyǵyndaryn óteıtin deńgeıge shyǵýy tıis. Bul týraly búgin QR Premer-Mınıstriniń orynbasary Darıǵa Nazarbaeva «Alaý» muzaıdyny saraıynda jattyqtyrýshylarmen jáne sportshylarmen kezdesý barysynda málim etti.
«Memleket sizderden bıýdjetke tabys ákelýdi talap etip otyrǵan joq. Atap aıtqanda, qyzmet kórsetý baǵytyn damytý kerek. Menedjerler óz isiniń bilikti mamany bolýy tıis, ıaǵnı qosymsha qyzmetterdi engizý, mektepter men úıirmelerdi ashý arqyly tabystyń qosymsha kózderin izdeý qajet. Sporttyq nysandardyń árbir sharshy metri adamdardyń ıgiligine jumys istep, sáıkesinshe, nysandardy kútip ustaýǵa kiris ákelýi tıis»,-dedi D. Nazarbaeva.
Bul rette ol bıýdjetten qosymsha qoldaýdy kútýdiń reti joq ekenin atap ótti.
Sonymen qatar vıtse-premer kommertsııalyq qyzmet esebinen qosymsha qarjy tartý boıynsha keńes berdi. Osy oraıda basty maqsat - bıýjettik júktemeni tómendetip, barsha qyzmetterdi kommertsııalandyrý.
Munymen qosa D. Nazarbaeva halyqtyń áleýmettik az qamtylǵan sanattary úshin sporttyq nysandar tegin bolýy tıis ekenin eske salyp ótti.
